2017-ci il yanvar ayının birinci yarısında respublika fənn olimpiadalarının 1-ci – rayon (şəhər) turu keçiriləcək. İnformatika fənn olimpiadası ötən il olduğu kimi, yeni qaydalara uyğun olaraq informatika.edu.az saytında onlayn yoxlama sisteminin köməyi ilə aparılacaq. Bu turda saytın Reytinq cədvəlində (yalnız şagirdlər üzrə) yarışa bir gün qalanadək ilk 150 yeri tutan şagirdlər iştirak edə biləcəklər.

Sistemdə qeydiyyatdan keçmiş, yaxud yeni qeydiyyatdan keçəcək bütün iştirakçılardan xahiş olunur ki, özləri haqqında tələb olunan məlumatları (soyad, ad, ata adı, doğum tarixi, oxuduğu məktəb, rayon (şəhər), sinif) tam və düzgün doldursunlar. Məlumatları tam və düzgün olmayan məktəblilərin nəticələri nəzərə alınmayacaq.

Yarışın dəqiq vaxtı haqqında əlavə məlumat veriləcək. (informatika.edu.az saytının materialları əsasında)