Təlimlərdə müəllimlər "fərdi müəllim bloqlarının yaradılması”, "vikipediya səhifələrinin yaradılması, ordakı yazılara düzəlişlərin edilməsi”, "veb 2.0 online alətlərdən istifadə edərək öz dərs prosesinin qurulması”, şəxsiyyət yönümlü tədrisin inkişafına yönəldilmiş Elektron təhsil Resurslarının yaradılması”, "sosial şəbəkələrdən istifadə edərək, distant şəkildə Beynəlxalq layihələrə qoşulma” kimi modullar üzrə praktik və nəzəri biliklərə yiyələnirlər.

"Elektron Təlimləndirən Sistemlər” layihəsi Təhsil Nazirliyinin nəzdində Təhsil sisteminin informasiyalaşdırılması idarəsinin dəstəyi ilə "Nobel-T” təşkilatı tərəfindən reallaşdırılır.

Layihənin əsas məqsədi:

Məsafədən təhsilin inkişafı;

Layihəyə cəlb olunmuş xüsusi qayğıya ehtiyacı olan şagirdlərin təhsil alma imkanlarının yaxşılaşdırılması;

Xüsusi qayğıya ehtiyacı olan şagirdlərin kompyuter və elektron resurslardan istifadə bacarıqlarının artırılması;

Azərbaycan Təhsil Şəbəkəsinə və İnternetə çıxış imkanlarının yaradılmasıdır.

Layihə çərçivəsində aşağıda qeyd olunan işlərin həyata keçirilməsi nəzərdə tutulmuşdur:

Şagird və müəllim heyətinə ən yeni texnologiya və proqram təminatları ilə təchiz olunmuş "Apple, İnc” şirkətinin istehsalı olan MacBook notebooklarının təqdim edilməsi;

• Şagirdin təhsil aldıqları məkanın  Azərbaycan Təhsil Şəbəkəsinə və İnternetə çıxışla təmin edilməsi;
• Şagirdlərin dərs prosesinin idarə edilməsi məqsədi ilə müəllimlər üçün ayrılan tədris mərkəzinin yüksək sürətli fiberoptik İnternet və İntranet bağlantıları ilə təchiz olunması;
• "Elektron Təlimləndirən Sistemlər”  Təlim Vəsaiti əsasında təlimçi heyətinin hazırlanması;

Yeni hazırlanmış təlimçilər tərəfindən məktəbyaşlı uşaqlar üçün,  məsafədən təhsilin köməyi ilə "Elektron Təlimləndirən Sistemlər”  Təlim Vəsaiti əsasında təlimlərin təşkil edilməsi ilə yanaşı uşaqların valideynləri üçün də təlimlər nəzərdə tutulmuşdur.

"Apple, İnc” şirkətinin istehsalı olan MacBook notebooklarınının İwork proqramının köməkliyi ilə müəllimlər məktəbə hər müəllimin qrupunda 3 nəfər şagird olmaqla  məsafədən (distant) dərslər keçəcəkdir. Müəllim, şagird, və valideynlərin təhsil  prosesinə cəlb olunması üçün www.mesafedenmekteb.edu.az portalının yaradılması nəzərdə tutulmuşdur.

ict.edu.az saytı