Təhsil Nazirliyi məktəblilər arasında aşağıdakı informatika (proqramlaşdırma) fənni üzrə olimpiadalar keçirir:
1. Məktəb turu
2. Zona turu 1
3.Zona turu 2 - yarımfinal
4. Respublika turu - final.
Zona1 turu bu il İnternetə bağlanmış xüsusi otaqlarda keçiriləcəkdir. Şagirdlər informatika.edu.az portalında olimpiada üçün xüsusi yerləşdirilmiş məsələləri 3 saat ərzində həll edəcəklər - proqram kodları yazacaqlar.
Zona 1 turuna istedadlı şagirdləri seçmək üçün məktəb turundan istifadə edilir. Bu zaman müəllimə seçimi informatika.edu.az portalı əsasında aparmağı tövsiyyə olunur. Bu zaman müəllim nə etməlidir? Olimpiadada iştirak etmək istəyən şagirdlər İnternet bağlantısı olan otaqda yığışır. Portalda olan A, B və C tipli məsələlərdən şagirdlərə 5 məsələ (onların nömrələrini) seçib, təqdim edilir, 3 saat ərzində şagirdlər onların proqram kodlarını yazmalıdır.
Bu olimpiadanın nəticəsi əsasında məktəb Zona 1 turuna iştirakçılar (iştirakçı) göndərə bilər.
Qeyd: Şagird seçimi ənənəvi üsulla -vərəqdə tapşırıqlar verməklə da aparmaq olar.
Əgər hansısa məktəbin şagirdi portalda qeydiyyatdan keçərkən reytinq cədvəlində irəlliyirsə, onda seçim aparmağa ehtiyac yoxdur. Həmin şagirdi birbaşa Zona 1 turuna göndərmək olar (yanvar ayında).
Zona 1 turunda nəticələri yüksək olan ilk 100 şagird Zona 2 turunda iştirak etməyə haqqı qazanacaq.