24 fevral 2013-ci il tarixində Bakı ş. 283 saylı məktəbdə "Google Sketch Up qrafik redaktorunda hazırlanmış ən yaxşı üçölçülü model" adlı müsabiqə keçirilmişdir. Müsabiqədə 20 şagird iştirak edirdi. 2 şagird Sumqayıt, 1 nəfər Şamaxı, 1 nəfər Şəki, 16 nəfər isə Bakı məktəblərini təmsil edirdilər. Püşk nəticəsində 4 obyekt arasından Opera və Balet Teatrın binasının çəkli seçildi. 2 saat ərzində şagirdlər Google SketchUP proqramında onun 3D modelini hazırladılar. Tapşırıq mürəkkəb olsa da, uşaqlar demək olar ki, bu tapşırığın öhdəsindən gəldilər. Şagirdlərin işini informatika müəllimələrindən ibarət ekspertlər qrupu qiymətləndirdi. Sonra isə münsiflər heyətinin üzvləri - Ramin Mahmudzadə(sədr), İsmayıl Sadıqov, Fərman Abdullayev və Gülnarə Səlimova işləri bir daha yoxlayaraq müəllimlərin seçimini təsdiq etdilər.