Сəmiyyətimizin informasiya cəmiyyətinə doğru sürətlə irəliləməsi və "2005-2007-ci illərdə ümumtəhsil məktəblərinin in­formasiya-kommunikasiya texnologiyaları ilə təminatı” Dövlət Proqramının uğurla hə­yata keçirilməsi nəticəsində Azərbaycanın demək olar ki, bütün ümumtəhsil məktəbləri kompüterlə təhciz edilmişdi və məktəblərdə informatika otağları təşkil olunmuşdur.
	2005-ci ildən etibarən məktəblərdə kompüter sinifləri yaradıldı. Hal-hazırda məktəblərdə  iki cür sinif otaqları var: "nazik müştəri"(тонкий клиент) adlanan kompüter sinfi - onda adətən 18 terminal və 1 server olur və adi lokal şəbəkəyə bağlanan fərdi kompüterlər. İnformatika otaqları məktəbdə şagirdlərin informatika fənnini və digər İKT ilə keçirilən dərsləri aparmaq üçün nəzərdə tutulur. Bu otaqların olması şagirdlərin İKT-ə marağını daha artırır, kompüterlərin olması isə  bilikləri praktiki dərslərdə bacarıqlara çevirməyə kömək edir. İnformatika kabinetində (otağında) tədrisi daha faydalı və zəngin etmək üçün stend, plakat və digər əyani vəsaitlər olmalıdır.  Kabinetdə materialları daim təzələnən "Kompüter xəbərləri" divar qəzeti fəaliyyət göstərməlidir. Burada İnternetdən, qazet və jurnallardan informasiya texnologiyalarına aid seçilmiş maraqlı materiallar yerləşdirilməlidir.
	Informatika kabinetində "Texniki təhlükəsizlik qaydaları" və kompüter otağında davranış qaydalarına dair plakatlar da asılmalıdır. Kabinetdəki kitab şkafında İnformatika dərslikləri, nəzəri məqalələr, metodik vəsaitlər, praktiki məşğələlər üçün nəzərdə tutulmuş paylama materialları, qiymətləndirmə vasitələri və digər didaktik materiallar yerləşdirilməlidir.
	İnformatika kabinetində müxtəlif yarış, müsabiqə və intellektual oyunlar təşkil etmək olar. Bütün bu işlər şagirdlərin informatika fənninə maraqlarını artırmağa xidmət edir.

  1. İnformatika kabineti üçün iş planının nümunəsi    
 2.  İnformatika laborantının vəzifələri                        

  İnformatika kabinetində texniki-təhlükəsizlik qaydaları
  İnformatika kabineti üçün sanitar-gigiyenik normalar
  İnformatika kabineti üçün plakatlar(rus dilində)